Museums of Impact!
MOI! Museums of Impact er evrópskt samstarfsverkefni sem styrkt er af Creative Europe áætluninni. Verkefnið miðar að því að þróa sjálfsmatslíkan fyrir evrópsk söfn. Líkanið hjálpar söfnum að meta rekstur sinn á gagnrýninn og skapandi hátt og þróa getu sína til að mæta kröfum samfélags í þróun, samfélags sem verður sífellt fjölbreyttara, stafrænna og sem er að eldast.
Líkanið verður þróað með röð samvinnunámskeiða (cooperation workshops). Í öllu ferlinu verður líkanið prófað á fjölda tilraunasafna til að þekking og þarfir hagsmunaaðila verði hluti af líkaninu. Reglulega verða haldnir umræðufundir hagsmunaaðila þar sem þróunaraðilar og söfn munu hittast til opinna samræðna. Lokaútgáfa líkansins verður gefin út á sjö tungumálum ásamt leiðbeiningum og kynningarefni, meðal annars á íslensku. Líkanið verður öllum aðgengilegt.
Eftirfarandi 11 stofnanir vinna saman að því að þróa líkanið:
- Finnish Heritage Agency, Finnland
- BAM! Strategie Culturali, Ítalía
- Hellenic Ministry of Culture and Sports (gríska menningar- og íþróttamálaráðuneytið), Grikkland
- Deutscher Museumsbund/NEMO Network of Museum Organisations, Þýskaland
- Museum of Cycladic Art, Grikkland
- Estonian National Museum/Eesti Rahva Muuseum, Eistland
- Finnish Museums Association, Finnland
- European Museum Academy, Holland
- Safnaráð, Ísland
- Stiftung Preussischer Kulturbesitz SPK, Þýskaland
- MUSIS Steirischer Museumsverband, Austuríki
Verkefnið hófst í desember 2019 og stendur til mars 2022.
MOI! er styrkt af Creative Europe Program (COOP2). Heildarfjárhagsáætlun þess er 735.000 evrur. Finnish Heritage Agency (Museovirasto) er umsjónaraðili verkefnisins.
Facebook-síða verkefnisins er hér, þar er hægt að fylgjast með framvindu verkefnisins.