Hlutverk safnasjóðs er samkvæmt safnalögum að styrkja starfsemi safna sem undir lögin falla. Í þeim tilgangi getur sjóðurinn styrkt rekstur og skilgreind verkefni viðurkenndra safna, samstarfsverkefni slíkra safna innbyrðis og önnur verkefni. Sjóðnum er heimilt að styrkja aðra starfsemi til að efla faglegt safnastarf, m.a. rannsóknir á starfssviði sjóðsins og miðlun upplýsinga um þær.

Úthlutað er úr safnasjóði tvisvar sinnum á ári og gerir mennta- og menningarmálaráðherra það, að fenginni tillögu safnaráðs. Safnaráð auglýsir ár hvert eftir umsóknum um styrki úr safnasjóði í dagblöðum eða með öðrum sannanlegum hætti.

Aðalúthlutun safnasjóðs

Aðalúthlutun úr safnasjóði er síðveturs eða að vori. Umsóknarfrestur fyrir þá úthlutun er í nóvember árið áður. Í þeirri úthlutun eru veittir tvenns konar styrkir:

  • Viðurkennd söfn önnur en söfn í eigu ríkisins geta sótt um rekstrarstyrki til sjóðsins til að efla starfsemi sína.
  • Öll viðurkennd söfn og önnur verkefni tengd safnastarfi geta sótt um styrki til skilgreindra verkefna.

Umsóknarfrestur fyrir aðalúthlutun úr safnasjóði 2019 er til og með 15. nóvember 2018. Beinn tengill á rekstrarstyrksumsókn og verkefnastyrksumsókn.

Aukaúthlutun safnasjóðs

Aukaúthlutun safnasjóðs er í desember ár hvert. Í aukaúthlutun safnasjóðs geta viðurkennd söfn sótt um verkefnastyrki tileinkaða símenntun

Umsóknarfrestur fyrir símenntunarstyrki til viðurkenndra safna 2018 er til og með 31. október 2018. Beinn tengill er hér.

 

Sótt er um styrki úr safnasjóði á umsóknavef safnasjóðs.