Ný reglugerð um sóttvarnarráðstafanir tekur gildi 10. desember næstkomandi.
Þær breytingar frá fyrri ráðstöfunum sem viðkoma söfnum eru þær, að þó að almennar fjöldatakmarkanir verði áfram miðaðar við 10 manns, eru börn fædd 2005 og síðar undanþegin þeirri tölu. Þarna er verið að miða við hvert sóttvarnarhólf.
Samkomutakmarkanir sem gilda frá 10. desember 2020 til 12. janúar 2021.
- Hámarksfjöldi einstaklinga í sama rými eru 10 einstaklingar.
- Ákvæði um fjöldatakmörkun, nálægðartakmörkun og grímuskyldu taka ekki til barna sem fædd eru 2005 og síðar. Sem sagt, börn fædd 2005 og síðar teljast ekki með í hámarksfjölda.
- Nálægðartakmörk verða tveir metrar á milli ótengdra aðila.
- Þar sem ekki er hægt að viðhafa nálægðarmörk er skylt að andlitsgríma verði notuð.
- Tryggja skal að blöndun einstaklinga verði ekki á milli hólfa, hvorki í inngangi/útgangi, salernisaðstöðu, veitingasölu eða annarri þjónustu og að fyllstu sóttvarnaráðstafana sé gætt.
- Hvatt er til fjarvinnu þar sem því verður við komið.
- Tryggja skuli góð loftgæði og stilla hávaða í hóf því ef fólk þarf að tala hátt getur það leitt til munnvatnsúðamengunar í andrúmslofti þar sem loftræsting er ekki fullnægjandi.
- Tryggður verði aðgangur að handsótthreinsi fyrir almenning og starfsmenn við innganga og í grennd við yfirborð sem margir snerta s.s. snertiskjái og afgreiðslukassa.
- Sinnt verði þrifum og sótthreinsun yfirborða sem margir snerta eins oft og unnt er.
- Almenningur og starfsmenn verði minntir á einstaklingssóttvarnir með merkingum og skiltum.
Sjá á vef stjórnarráðsins: https://www.stjornarradid.is/efst-a-baugi/frettir/stok-frett/2020/12/08/COVID-19-Tilslakanir-a-sottvarnaradstofunum-fra-10.-desember/
Frá mennta- og menningarmálaráðuneytinu: Leiðbeiningar fyrir menningarstarfsemi og viðburði vegna COVID-19 á hættustigi almannavarna
Upplýsingavefur um kórónaveiru á Íslandi, https://www.covid.is/