Fimmtudaginn 12. maí 2016 kl: 12:00-14:00
í fundarsal á 6. hæð í Þjóðminjasafni Íslands
Viðstödd: Ólafur Kvaran formaður, Anna Sigríður Kristjánsdóttir, Guðbrandur Benediktsson, Haraldur Þór Egilsson, Sigríður Björk Jónsdóttir, Halldór Björn Runólfsson og Þóra Björk Ólafsdóttir framkvæmdastjóri. Forföll: Hilmar J. Malmquist og Margrét Hallgrímsdóttir.
1. Mál til kynningar
1.1. Yfirlit yfir starfsemina frá síðasta fundi.
1.2. Styrkveitingar úr safnasjóði 2016 voru kynntar fyrir ráðinu, en þann 22. apríl síðastliðinn var úthlutunin tilkynnt. Mennta- og menningarmálaráðherra úthlutaði úr sjóðnum að fenginni umsögn safnaráðs og var árið 2016 úthlutað alls 108,4 milljónum króna. Af þeirri upphæð runnu 78,8 milljónir til einstakra verkefna en tæpar 30 milljónir fóru í rekstrarstyrki til viðurkenndra safna um land allt. Alls bárust að þessu sinni umsóknir um styrki í samtals 152 verkefni. Styrkjum var úthlutað til 93 verkefna og voru þeir frá 140.000 kr. upp í 2.900.000 kr.
1.3. 2. drög að nýjum verklagsreglum safnaráðs vegna breyttra úthlutunarreglna úr safnasjóði kynntar fyrir safnaráði.
1.4. Sagt frá fyrsta fundi vinnuhóps vegna tilvonandi málþings um söfn og ferðaþjónustu sem verður haldið næsta haust. Í vinnuhópinn hefur Magnús Karel Hannesson, sviðsstjóri rekstrar- og útgáfusviðs Sambands íslenskra sveitarfélaga bæst við fyrir hönd sambandsins.
2. Mál til ákvörðunar
2.1 Tilboð frá Nýherja vegna FocalForms samþykkt. Um er að ræða umsóknareyðublaðakerfi fyrir umsóknir í safnasjóð og skil viðskiptavina safnaráðs á gögnum til safnaráðs.
2.2 Beiðni Byggðasafnsins í Görðum samþykkt um að safnaráð staðfesti að fyrirhuguð bygging safnsins uppfylli skilmála safnaráðs fyrir húsnæði safna.
2.3 Ósk um frestun á nýtingu styrks frá Náttúrufræðistofu Kópavogs samþykkt.
2.4 Ósk um frestun á nýtingu styrkja frá Hönnunarsafni Íslands samþykkt.
3. Önnur mál
Viðbrögð Rannsóknaseturs í safnafræðum við umsögnum um skýrslu um söfn og ferðaþjónustu rædd. Önnur mál ekki rædd.
Fundi slitið 14:00/ÞBÓ